Exist, wander around.

9.4.2022 – #Movies

Directed and Written by Frank Darabont

Based on Rita Hayworth and Shawshank Redemption by Stephen King

當強權壓倒生命中的一切，誰不渴望有天降的英雄挺身抵禦將之擊潰。

渴望目睹奇蹟出現，日復日的期盼直至視茫髮蒼，幻想變成了自我催眠的搖籃曲。

——如果自己就是奇蹟，施展奇蹟的條件是什麼？

 -

「希望」

Andy（Tim Robbins飾）入獄前後的種種遭遇稱得上是極度不幸吧，可是電影並沒有將之盡然展露，也沒有深入剖白Andy當中的感受，由始至終以他人的視角來描繪Andy，而且永遠保持距離，使人摸不清Andy的想法。

這種留有餘地的手法，反倒令人更有想像空間去置身他們的環境，細思下比「什麼都拍出來」的視覺衝擊要大太多了。感覺自己融入了Andy身處的地方，和他僅僅幾張飯桌之遙。在這個位置，我可以慢慢感受：在歲月流淌下，他與那群囚友之間——尤其是Red(Morgan Freeman飾)——的友誼，和他心中那被光陰虛掩的希望。

正因為導演給觀眾（我）安排了這個角度（尤其多番被Red的旁述誘導），我才會不經不覺地被說服：啊，處境終歸絕望，Andy是走不出去的，他還可以怎樣走出去呢？一路以來，Andy創下了不少經典場口令人眼眶沾濕、內心翻起洶湧的感動，但都未及最終，他成功實現計劃帶給眾人的那種逆轉的激昂。

無形的信念，不輕易宣之於口，不經他人肯定、滋養，全憑內心：正宗Stand on his own，自行發光，照亮他人。

嗰種光芒，我而家諗返起都覺得好powerful。當你一路睇一路睇，見證Andy逐步以行動將對囚友而言是虛渺的希望化為可見的實物，又目睹Andy的冤獄真相如何在重見天日之前被監獄長因私慾而掩埋，「希望」彷彿build up完再break down——直至結尾嗰朝早，經已消失嘅Andy以一張巨型性感女郎海報將大家心中長年累月地認為嘅「不可能」喺一瞬間變為「可能」。觀眾（我）內心喺幾秒之間trace back戲中多年來嘅種種——由一開始，Andy就已經plan好哂。佢將呢份信念隱藏咗接近三十年，足足堅持咗三十年！期間更唔係縮埋一角以求安穩，而係多番企出嚟爭取權利、締造機會、幫助他人——擴散希望。

最後佢更成為Red嘅救贖，避免佢出獄後走上因自由而受困嘅絕路。功德無量。

有人會駁故話Andy呢條橋work係因為巧合（有咩劇情唔係「劇本需要(巧合)」？），但Andy呢種人就係，無論遇上咩situation，只要佢想，佢都可以make it through.

呢套戲有好多好多深刻一幕。其中一幕，Andy因犯事（廣播黑膠碟）被鎖入黑房兩個星期後出嚟，囚友問：「咁做值咩？入面簡直渡日如年。」Andy答：「我有Mozart陪住我，時間好易過。」囚友以為獄卒畀咗部player佢，點知Andy指住自己個頭。「呢樣野係佢地永遠都攞唔走嘅。」

似曾相識吧？無論歷史、音樂、文學、電影，都不乏這樣的信念。他們都會感染。

故事係虛構嘅，信念係真嘅。呢142分鐘內全部嘢都精心為之，留下餘韻極深，單是回想都lift my spirit.

“Fear can hold you prisoner. Hope can set you free.”

PS 又係Frank Darabont x Stephen King!